![]() | ||||||||||||
Kum 1980 bâwr vêl a Zofâte lungmâwl leh hawizîm tak kan la nih laia Pa 'advance' leh huaisen pu Lalsangzuala'n comic hmanga min àwi tlei kha mak ka la tiin, ka ngaisâng tâwp thei lo. A herliam ta erawh ka va ui tâk êm!
Pu Lalsangzuala chanchin sawi tur hian amah hrechiang tak ka nih loh avângin sawi tur êm êm ka hre lo! Amaherawh chu a themthiam ka tih piah lama a huaisen ka tih êm êm na chhan kawng 2 ka'n tarlang ve lawks!
1. Kum 1980 bâwr vêla Zofâte'n lemziak (a bîk takin comic) kan la hmelhriat loh dan tur ka chhût hian, khatianga Sudden Muanga comic a rawn chhuah Risk ngam kha a lo va huaisen êm! Computer- awlsam taka milem Scan-na tur la awm lo nen, a thawhrim piah lamah a huaisen takzet. Mahse, chûng a thawhrimna chu a thlâwn lo va, Sâp ram superman te, Phantom te kan mamawh bîk lo, K'u Muanga kan nei tlat! Comics-ah Zofâte tan hruaitu Arsî a va ni chiang êm, a hnung erawh kan zui pha lo lutuk hi a pawi..
2. A huaisen ka tih dan dang leh chu, khatih hun laia politics kalphung, kohhran leh khawtlang nun tam tak K'u Muanga bu hmanga a rawn puah chhuahpui phawng phawng kha a va huaisen sî êm! Pu Muanga pistol a puah rin tluk zetin comic phêna a thu thuhruk pawh a puak ring nameuh mai.. .
Âaa.. Sawi tur a tam lutuk, ka sawi sêng lo. Ka ngaisâng a, ka zah a, a ropuiin a hlu ka ti bawk. A dam laia hmaichhana ka kâwm hman lo erawh pawi ka ti vawng²..
"Thinlaiah erawh i la fam lo ve"
(pic : caricature of Lalsangzuala (L) and his masterpiece, the one and only "Sudden Muanga")

Comments
Post a Comment