Inzir ve deuh la!

Sentence hnih khat i type sual /dik loh khan mi pawi a sawi thei!

A point ah lut nghal ila! Tunlai whatsapp leh fb hmangtuteah News leh thu bengverh theh darh chak leh châk kan tam. Fimkhur a ngai, a bikin chhiatnaah phei chuan trul lo va mi thin tih thrâwn leh tih chíài a awl khawp mai, keipawh vawikhat chu ka tisual threlh tawh.

News, mimal thil deuh leh mimal hming lam rik ngai chi ah phei chuan keimahnin a chìanna (proof) kan nei lo a nih phei chuan i post-in, i CP lo ngam ta zâwk ila, kan dam tlânna tur niin ka hria.
Vawi khat thil i post/paste Khan, eng tiang takin nge a darh chak theih tih ngaihtuah hmasa la, i tìm-ìm phah deuh mahna!

CYBER LAW/CRIME/BULLYING : Inhrilh hriatna leh inzirtirna (awareness) awm hawt lo va, heng Social network hmang hi a tam zâwk kan ni âwm e.
Ruang hmuh nuam lo tak tak phalna la lo a post leh thil dang dang Cyber Law in thiam loh a chantir theihna che te, cyber bullying te hi zan hnih khat tal bihin lo bye-heart hlur teh. Kan milâr leh lâr lem lote pawh an thih hmáin kan thih zintir lutuk a, an thih tak tak pawhin kan awih tawh mang lo thin!☺

CHHIATNA POST DANAH: Chhiatna bîkah, kan thu post te hi kan inla-reporter thin deuh. Thlamuanna leh tawngtaipuina ngensak na lam ziah tel hi ka hmu khât, a Kristian lo deuh. Thawnthu ngaihnawm ang maia chhuah tumin kan han thluai thlum ve a, detail thei ang berin, mahse kan tawrhpui thu te, tawngtaipuina dilsak te, muang taka chawl se(thihnaah) tih tawngkam mawi te hmuh tur a awm lo. 'Miin chhiar se' tih rilru puin, ngaihnawm taka ziakin, a post tu hming kan han dah a... (thenkhat phei chuan mi CP beisei sa in, an post tawpah .. 🌹 Dinga Hmar.. A hnuaiah "CP" kan ti hial emaw niang lè 😂... Tam zawkin an thil copy ah CP tih hi an dah peih loh piah lamah tam zawk chuan a hnua thu beh belhtir kha thiam loin an forward ve tawp zel)
 A darh sarh leh ta nuaih mai, lo huikhawm mai rawh, engpawhnise, Cyber Law hi i zir thar leh ang u.




Comments