Treasure of modern Mizos, Vanneihtluanga

Thuziak mi a ka ngaihsan ber chu Pu Vanneihtluanga hi a ni, Mizote zinga ka nhaihsan ber páwlah pawh a tel!

Pu Vanneihtluanga ka ngaihsan em em chhan chu, Mizote tana a 'contribution' te vâng hi a ni pakhat.
Mizote'n computer keyboard a 'Ṭ' kan neih theih nana mi thawh hlawk berte zinga mi a ni. Ṭawng ziah dan dik te, ṭawng thlûk chung chang a ziakte pawh kan hmu ṭhin ang, kei ngei pawh a article aṭanga Mizo ṭawng thlûkna ziah dan thiam ka ni.

Tin, ram leh hnam, khawtlang nun te a hriain, a vei em em a, chu chu a thuziak tam takah kan hmu,. Zitlaite hmathlìr a vei em em tih kan hre thei bawk.
A chanchinbu enkawl, thla kip chhuak, Lengzem chanchinbu hi kei chuan lehkhabu ṭha tak tak aiin la dah hniam lo va, ka chhiar tam berte zinga mi a ni.

Aw le, a chanchin te, a ngaihsan awmna laite kei aiin i hre ṭhúmin ka ring, duhtawk mai ang.

Thu belh : Ani hi term khat lek pawh han CM chhin se, Zoram hian hma a sawn awk awkin ka ring hial! 

Comments