Gym vs Street

Tunlai ṭhalai tam tak Gym lamah body build tur te, workout tur te'n an kal ṭhin. Hun pum pui sénga, tih tur ṭul ṭhulh ṭhak ṭhak a kal an nih loh chuan kei chuan ṭha ka ti khawps. Mahse, Gym kal vanga chapo ta leh a mawhphurhna te hlen loh phah an awm thei a, chu chu a pawi thung.
 Tunah chuan Mizote pawh hmelṭha leh hlei tling tak tak kan tam tawh, he'ng mite ruihhlo in a ei chhe bawih bawih hmuh ai chuan hriselna leh taksa fit-na lam an ngaihtuah hi a ṭha tak zet. In vawrh vir zak zak thei mipa ngat phei hi chu ruihhlo leh zuk leh hmuam ten a tibuai lo vang tih a rin theih a, an ngaihsan awm.
He tia fitness lam kan buaipui hi a ṭha, i ti zel ang u. Nula leh tlangval; modeling, fashion, dance etc. lama kal tur phei chuan taksa hriselna lam hi i ngai pawimawh zel ang u.

Infiamna hmun te, gym te hi ngaina ila, khawlai leh daikilkâr te hi i kalsan ngam ila, sualna leh accident kan tih hrang hrangte hi a kiam telh telhin a rinawm. Ṭhalaite kan hrisel a, kan fit a, kan tha a zat a, ruihhlo leh zuk leh hmuama kan fihlim tam tawlh tawlh chuan ramin hma a sâwn ngeiin a rinawm..

Rilru hrisel a pawimawh ang bawkin taksa hriselna pawh i ngai pawimawh thar zel ang u.. 💪

Comments