Selna ânka!

Mihringte (a bikin Mizo) hi mi chanchin ṭha laka beng hup, an chanchin chhe lama beng chhi kar kan tam ta hle mai.

Khaw tê apiangah mi chanchin chhia sawi an peih tih kha a ni tawh lo. Tunlai social media-ah lamah mi chanchin chhe lai châng (spy) réng rënga khawsa an va tam ta em... Page pawh Instagram lamah a awmin ka hria, eng nge an hlawkpui le? Sawisel tura thu chiang ngaichang hauh lova ri phawng² tâwk lah bo lo!

Thil hi sèl leh do chi a awm ngai, entir nan, sawrkar tih dik loh chu sèla do ngam tur! Chuti ni si lo a, mimal chanchin chhia (a bikin milarte) social media a inpho chhuahsak te hi a va ṭul lo in, a va Kristian zia lo ṭhin. Mipa hlei hlei hian sawisel leh elrel kan hrât tawh emaw ni. Zaithiam, Miss Mizoram contestants etc.. phei hi chu thudik chanve hmangin kan va ker nasa tak, an lu a hai ṭhin ngawtin ka ring...

Chhungkua, khawtlang, ram siam ṭhatna lam kâwk hauh si lo va, mimal sawisel vak vak hi chin tlèm hret hret i tum ang u.
"Sawisel suh u, sawisela in awm loh nan" tih ziak ang khán!!! 

Comments

  1. A dik lutuk.. Hetiang lampang (kan society) hawi hi lo ziak zeuh zeuh teh..

    ReplyDelete

Post a Comment