A hnua pu Kâpa Rualrem City-a a sheriff hnu chuan 'dikna laltiang' paihin, 'thliarna tiang' nen ro a rél zui a.. Eirukna chu pawt phawi lovin, chawm duah hluah a ni zâwk mah!
Khawtlang hmasâwnna tur a sawi kha maw?? Tak tak lo ni hlek lo le, a mi leh sa te cheng tam fé a sem vak vak ringawt a.. A mi leh sa ni lem lo te an rethei tlawk tlawk teh asin! Sáp zú zuarin, ka ni Dâri paw'n a tlak chhiat phah nasa mai. Rualrem mipui ṭhenkhatte chuan mahnia thawk chhuak a intodelh tih te kha chu an ngaisäng tawh lo rups, Shabito zém zenin, 'simple thinking, high living' nun kha an apply chur chur tawh mai maw le!!
Remna leh Muanna maw? A hming chu a ring, a taka a hlawhtlinna hmuh tur a awm meuh lo. Hrângéka leh a hote'n, Rualrem ram an rawn chuhpui a. Chu chu Rualrem ṭhalai ṭhenkhatten an venghim a, Hrângéka leh a hote kut an tuar nual.. Chutih lai pawh chuan Pu Kapa te, pu Sikula te chu an inkuangkuah fel thân!!
YMA (Young Meichher Association) ten Rualrem daiféma in 4 an hâl ṭum pawhin, Pu Kâpa chu inrawlh lo chiang leh rups. Vawikhat pawh, Pu Kâpa sakawr tawlailir vengtuten Dárringaia an sawisa a, puakruk kâwm ten an chhu hrep mai maw le, mahse pu Kâpa chu chengkawl ang vang vang a ni zel. Chutih laiin, Pu Shabito rim nam pha chin chu venhimna pe thuah nasa thei ut ut hle thung...
Pu Kâpa term a tâwp dawn ta, Sherrif thar thlan a hun dâwn... Pu Kâpa chu thil phal leh tawh mai mai, tumah, a mi leh sa an ni emaw ni lo emaw, sumin a vur leh hmiah hmiah.. Â, a vai hmà pawp pawp a ni ber e... Rualrem city mipuite hian thlang tling leh tak ang imaw?!
Comments
Post a Comment