Sawhbûr hunlai

Sawhbûr kan chîn lohna hi a la rei tehchiam lo mai thei... Tun hma deuh kha chuan eitur (ready-made) kha a vàn mai bákah pawisa a la váng bawk nen eitur kha mahniin kan insiam chawp mai ṭhin. Chung zinga lár ber pawl chu Sawhbûr hi a ni awm e...

Mau lian vak lo, châng khat hi kan laa, tah chuan lakher-anthur emaw theihmu emaw thil dang (awmna a zirin) kan thun a, hmawlh suih mum deuh hian kan sawh chip ṭhin. Chu chu tui ti takin kan fawp ṭhin. 

Khatih hun lai khan, enga ti nge maw ni, hnap kan ngah em em a, hnap nen, sawhbur chhunga mi nen, bîangah hian a sen, eng-vár phei nuai zel! A lo tenawm eee.. Mahse, a hunlai kha chuan ten chu sawi loh, ṭhiante ta kan dil khu ve chuk a nih kha! 

Chini leh chî te kha kan pawlh ṭhin, pawlh tur neih loh chang pawh a tam mai. 

Khatih hunlai khan kan ei chhe hle mahse kan hrisel zék.. Pân te kha chu nei khat lek luk ṭhin mah ila, tunlai naupang ai hian kan hrisel mah zawk ang! In luma tawm chut chut lova kan insawizawi reng vang nge nia nga, boruak a la Thianghlim??? Tih hi ka ngaihtuah fo ṭhin.