Mahse, Zoram, democracy ramah hian a nih phung ang kan kalpui meuh em tih hi zawhna lian tak awm thei a ni.
Democracy 'mipuite tân' ni si hi, party 1 chauh tân niin a lang fo.
Inthlanpui a han hnaih deuh tawh hi chuan, Mizoram kawngpui siamna tur te, kawlphetha te leh ram puma kan hman tur ái thil tam tak hi Sawrkar-in a mi leh sâ te hnenah a phal rai ta hum hum ṭhin niin a ngaih theih. A chhût thiam tán chuan a lang deuh ruak ang chu.
Contract kan tih tam tak phei hi chu, a thlâwn hlauha sum sem aia hna thawk hming puttir ve mai mai a ang. A pawi ta ber ṭhin chu, sum kan hmuh tawh chuan Pathianin chhia leh ṭha hriatna fim tak min pek kan hmang lo, Ringtu kan nihna kan theihnghilh a, kan zahawmna kan pawi sa tawh hek lo. Sum ngainat Bible in a sawi hi a dik viau mai.
Tu te nge 'corrupt' kan tih hian a huam ang? Heng sorkar-in ram pum hmasawnna tur a pawh pèn lo eitute pawh hi an bâng chuang hauhin a rinawm loh!! I tel ve em? Eiru(?) chungin ringtu ṭha i la inti ngam meuh ang maw?!
Sawrkar tum ber hi ram hmasawnna tur nge an PARTY mi leh sâ vulh len ni ta ang??
Tin, mipuite pawhin kan phû tâwk hruaitu kan nei niin a lang, mipui zawng zawng heti Lamah hian kan inhnamhnawih vek kher lo an ti!
Comments
Post a Comment